Úthverfabloggarinn

Maður veltir fyrir sér þegar maður les hverja fréttina á fætur annarri um hæpin útlán og kolrangar fjárfestingar bankanna og eigenda þeirra erlendis að þeir sem stýrðu þessu hafi annað hvort verið gríðarlega einfaldir eða menn hafi verið að taka feitt á þessu sjálfir í einhverju leikriti. Hallast frekar að því að hér sé maðkur í mysunni.

	Kaupþing tók áhættu með Tchenguiz og fallið var hátt
Ábyrgðarmaður færslu Tilkynna um óviðeigandi tengingu við frétt

Ég hef verið að hugsa málið og finnst frekar skrýtið að að enginn stjórnmálamaður hafi minnst á það í stöðunni að kvótinn gæti verið leigður út til útgerðana.

Stærstur hluti kvótans var veðsettur að fullu hjá gömlu viðskiptabönkunum. Þeir eiga því óbeinan eignarrétt á kvótanum og geta auðveldlega leyst hann til sín við greiðslufall útgerða sem blasir við.

Sú staðreynd að kvótinn sé nú í óbeinni eigu gömlu viðskiptabankana ætti að gera okkur mögulegt að lágmarka skaða íslensku þjóðarinnar og fyrrum viðskiptavina íslensku bankana erlendis með því að leysa þessi eignarréttinni yfir auðlindinni til þjóðarinnar og leigja hana svo út. 

Þannig kæmum við í veg fyrir þjóðargjaldþrot og leystum um leið það vandamál sem hefur íþyngt þjóðinni lengi að auðlindir hennar væru í höndum fárra útvaldra. Þessir fáu útvöldu hafa þegar fengið greitt og geta haldið áfram útgerð á eðlilegum forsendum. Þ.e.a.s. greitt fyrir hráefnið eins og aðrir atvinnuvegir.

	Ísland stendur frammi fyrir gjaldþroti
Ábyrgðarmaður færslu Tilkynna um óviðeigandi tengingu við frétt

Miðað við fréttir og sögusagnir (sem geta varla allar verið rangar) ættu lykilstjórnendur bankana að sitja í gæsluvarðhaldi til þess að ekki sé hægt að skaða rannsóknarhagsmuni. Menn hafa nú verið settir í slíkt fyrir minna. Í ljósi furðulegra tugmilljarða millifærslna ætti líka að frysta eignir sömu manna á meðan rannsókn á hruni bankana fer fram. En hér á Íslandi sýnist mér að almenningur eigi bara að taka allan skellinn - í öðrum siðmenntuðum löndum sætu menn sem eru grunaðir um landráð í gæsluvarðhaldi.

	Lykilmenn skulduðu 80 milljarða króna
Ábyrgðarmaður færslu Tilkynna um óviðeigandi tengingu við frétt

Tvær spurningar brenna á mér. Ef þetta er einföld hlutafjáraukning, afhverju er hlutaféð ekki lagt inní 365 hf? Ef JÁJ á 1500 milljónir lausar hvar fær hann þá peninga? Í silfrinu var hann aumur og með allt undir en núna á hann nóg af peningum? Það er mjög alvarlegt ef þessir menn JÁJ og félagar munu enn eiga tögl og haldir í fjölmiðlum á íslandi. Nú er nefnilega að koma tími þar sem fjölmiðlar þurfa að rannsaka þessa sömu aðila, hver var þeirra þáttur í þeim atburðum sem hafa leitt þjóðina á skuldaklafa með sjóði bankana(sem þeir stjórnuðu) tóma.

	Löngu ákveðin hlutafjáraukning
Ábyrgðarmaður færslu Tilkynna um óviðeigandi tengingu við frétt

Hér bendir allt til þess að eftirspurn eftir lóðum sé að minnka. Fólk lætur heldur ekki bjóða sér hvað sem er í dag. Ljóst er að mikið af þessum lóðum eru litlar og í raun aðeins um lóðir undir 2ja hæða hús að ræða. Hér hefur borgin gert sömu mistök og í Grafarholti, mistök sem felast í því að bjóða uppá einbýlishúsalóðir sem eiga lítið skilt við "Alvöru sérbýli". ´Lóðir eru litlar og eins og algengt er í Grafarholti þá eru aðeins þrír metrar frá húsi að lóðarmörkum svo þegar hús eru hlið við hlið eru bara 6 metrar á milli húsana. Þetta held ég að sé meginskýringin á dræmri ásókn í þessar lóðir auk þeirrar staðreyndar að þarna er oft vindasamt.

 

	374 vilja lóðir í Úlfarsárdal
Ábyrgðarmaður færslu Tilkynna um óviðeigandi tengingu við frétt