Látum skynsemina ráða

Ég vona svo sannarlega að við íslendingar látum skynsemina ráða á morgun. Við höfum upplifað mesta blómaskeið í sögu þjóðarinnar á síðustu 12 árum. Gleymum því ekki að það voru núverandi stjórnarflokkar sem hafa leitt okkur hingað. Í dag höfum við það virkilega gott, kannski meira segja of gott. Það er einmitt þá sem við getum látið augnabliks leiða yfir því að sumir hafi nú kannski setið of lengi við völd fara í taugarnar á okkur. Smáatriði verða þá oft að stórvandamálum. Það er ekki viturlegt að vilja breytingar breytingana vegna, vonandi köstum við ekki glæstum árangri í hundana. Eitt er víst að ef vinstri menn komast að kjötkötlunum þá getum við farið með bænirnar, þá verður ekkert mínus atvinnuleysi, þá verður hér ekki kaupmáttur sem aðrar þjóðir öfunda okkur af og þá verður ekki lengur til staðar sá blómlegi jarðvegur og kraftur sem hefur einkennt viðskiptalífið sem aðrar þjóðir kalla íslenska efnahagsundrið.

Fylgi Framsóknarflokks dalar á ný

Guð forði íslendingum frá vinstri stjórn

Það er nokkuð rétt að þetta geti orðið mjög dramatískar kosningar. Get ekki hugsað þá hugsun til enda ef kaffibandalagið næði hér völdum. Það yrði ALdramatískustu úrslit sem íslendingar gætu upplifað.

FT: Ríkisstýrð fiskveiðiþjóð verður að tígris-efnahagskerfi

D og S besta lendingin

Ætli ríkisstjórn D og S yrði ekki bara besta lendingin eftir kosningar. Held þótt í mér hafi alltaf blundað blanda af framsóknar og sjálfstæðismanni þá hafi ég ekki geð í mér til þess að kjósa framsókn. Nú er bara að vona að sjálfstæðisflokkurinn fái jafn gott fylgi og kannanir sýna. Samstarf með samfylkingu yrði svo besti kosturinn að mínu mati. Framsókn er búin að skíta alveg uppá bak ef maður notar svona smá sveitamál. Legg til að Jónína Bjartmarz segi af sér.

Samfylking og Sjálfstæðisflokkur bæta við sig fylgi

Annað væri nú skömm

Finnst þetta ósköp rökrétt. Svo ætti Jónína Bjartmarz að segja af sér bara svona uppá að fylgi framsóknar hrynji ekki ennþá meir.

Valgerður: Framsóknarflokkur ekki í ríkisstjórn með svona lítið fylgi

Hin ljúfa og fallega Berlín

Var í Berlín alla síðustu viku og heillaðist af þessari höfuðborg Þýskalands. Þarna var létt yfir fólki og borgin kom mér mikið á óvart. Bjóst við einhverju þyngra. En hér blasti við mér björt og hrein og virkilega falleg borg, úrval veitingastaða og fjörugt næturlíf, nóg af menningu s.s. tónlistarviðburðum, málverkasýningum og söfnum. Nautasteikur á Escada rétt við Alexanderplatz voru geðveikt góðar, borðaði sjálfur þar nauta ribeye og félagar mínir file. Steikur voru bornar fram með bakaðri og sýrðum, hvítlauksbrauði og einhverri óvanalegri útgáfu af berniesesósu sem bragðaðist samt furðuvel, held að hún hafi jafnvel verið hollari en þessi hefðbundna, höfum það allavega þannig  

Var þarna í þeim erindagjörðum að kaupa ásamt viðskiptafélaga mínum 2 fjölbýlishús sem eru í útleigu næstu árin. Nú þykir nefnilega nokkuð rökrétt að fjárfesta í lágt metnum fasteignamarkaði borgarinnar sem mun rjúka upp þá og þegar að mati margra mætra manna. Nú bíðum við spenntir og sjáum hvað gerist. Allavega tek ég orð Kennedys í munn og segi "Ich bin ein Berliner".

Kom heim frá Berlín aðafaranótt laugardags og mætti í ræktina í fyrsta skipti í heila viku í dag, sunnudag. Tók vel á því að hætti Arnars Grant. Ætla svo að vera megaharður í "ræktununni" eins og amma kallar það að mæta í ræktina. Nú á að taka það!

Meistaraþjálfun og þythokkýborð

Fór í ræktina í morgun og var mættur um kl. 9. Hafði fengið mér smá bjór og pizzu kvöldið áður svo minn elskulegi einkaþjálfari var ekki par ánægður með mig. En tók vel á því og fór svo smá í pottinn.

Þegar heim kom tók við "bílskúrsdagurinn mikli", nú átti nefnilega að taka til í bílskúrnum sem ekki er hægt að komast inní fyrir drasli. Fattaði þegar ég var byrjaður að til þess að gera þetta nú af einhverju viti þyrfti ég að losa mig við 2,5 metra langt og 1,2 metra breitt þythokkýborð sem ég keypti um jólin. Hringdi eitt símtal og kom því inná góðvin minn sem ég veit ekki hvort verður góðvinur minn mikið lengi eftir þennan bjarnargreiða  veit ekki hvað konan hans segir á morgun þegar ég sendi það heim til hans. Ætli hann fái ekki bara að gista í bílskúrnum.

Bar á garðinn og fór með garðaúrgang í sorpu svo þetta endaði nú með að vera nokkuð drjúgur dagur.

Sótti svo bræður mína í Laugardalshöll þar sem annar þeirra var að keppa í körfubolta. Úrslitin voru hans liði ekki í hag en ég gaf honum burritos þegar við komum heim með naut og kjúklingi svo hann gleymdi því fljótt. Alltaf gott að gleyma sér í mexíkómat. Allir átu yfir sig nema ég sem fer eftir boðorðum Arnars Grant. Borða oft og lítið í einu.

Á morgun fer ég svo á æfingu ,,með Grantaranum", en ekki hjá Grantaranum. Nú erum við nefnilega líka orðnir æfingafélagar. Þetta verður örugglega einstök upplifun. Svona meistaraþjálfun.

Varnir fyrir hverju?

Hverju erum við að verjast? Ég held að svona friðelskandi þjóð eins og við ættum bara að vera alveg hlutlaus og án varnarsamstarfs.

Forsætisráðherra segir varnir Íslands tryggðar

Vondi strákurinn

 

Magnað hvað leikarinn góðlegi getur verið vondur strákur í raunveruleikanum. Það var samt ennþá flottari innkoma hjá honum í heimspressuna þegar hann var tekinn með götumellunni 1995. Þetta með krabbameinið og börnin er nú varla neitt til að gera stórmál úr. Hann er eitthvað veikgeðja blessaður ljósmyndarinn  

Hugh Grant óskaði börnum ljósmyndara dauða úr krabbameini

Bara í USA

Svona fréttir koma bara frá USA. Ótrúlega steikt lið þarna.

En svo má  maður ekki vera neikvæður gagnvart bandaríkjamönnum. Þeir hafa nú td. gefið okkur hunt´s tómatsósuna og KFC.

Fjöldamorðinginn skaut rúmlega 170 skotum á níu mínútum

Hannes Smára keypti á 20 milljón dollara

Frétti hjá traustum heimildarmanni að Hannes Smárason hafi keypt sér íbúð í London í Knightbrigde hverfinu fyrir 1,3 milljarð isk. Eða 20 milljónir dollara. Þannig að þetta er engin stórfrétt þótt Jón Ásgeir kaupi íbúð á skitnar 10 milljónir dollara.

Jón Ásgeir keypti sér íbúð í New York fyrir 10 milljónir dollara